publicidade hoxe
Publicidade
omeulibro1

Os alcaldes do BNG da Costa da Morte manterán xuntanzas periódicas para abordar cuestións de interese común

PUBLICADO EN: Noticias de GaliciaCarballoCarnotaMazaricosVimianzoZas
A-
A+

Os alcaldes do BNG da Costa da Morte iniciaron esta semana unha rolda de xuntanzas periódicas nas que abordarán cuestións de interese común e definirán estratexias conxuntas de actuación na comarca. No primeiro encontro, celebrado en Carballo,o rexedor local, EvencioFerrero, exerceu coma anfitrión dos seus homólogos de Vimianzo, Manuel Antelo; Mazaricos, Juan Blanco; Carnota, Ramón Noceda, e Zas, Manuel Muíño, que asistiu tamén en calidade de deputado provincial. Do mesmo xeito, ao encontro sumouse o seu compañeiro no goberno da Deputación e concelleiro carballés Xosé Regueira.

Nas últimas eleccións municipais o BNG reforzou a súa presenza na zona, onde ocupa cinco alcaldías, e converteuse no partido político con maior representación na Deputación Provincial da Coruña, cun deputado polo partido xudicial de Carballo e outro polo de Corcubión. A posta en valor dos concellos gobernados polo BNG como exemplos de boa xestión, a cohesión da Costa da Morte dende o punto de vista político e territorial, a posta en marcha de estratexias comúns que permitan atinar coas respostas que esixe a sociedade e a apertura dunha canle de comunicación permanente coa Deputación son os principais obxectivos dos gobernos nacionalistas da comarca, e nesa liña seguirán traballando en próximas xuntanzas.

18 de setembro de 2015 | 19:15 • Sen comentarios

Comentarios pechados.