O prazo para apuntarse ao curso de Actividades Auxiliares en Agricultura remata o 30 de setembro

O vindeiro mércores, día 30 de setembro, finaliza o prazo para que os veciños e veciñas de Touro poidan apuntarse no Curso de Actividades Auxiliares en Agricultura. A acción formativa, impulsada polo Concello de Touro con apoio da Deputación, terá unha duración total de 570 horas e a súa data de inicio aínda está por determinar. Os interesados poden inscribirse no Concello de Touro (981.504.029) e deberán ser demandantes de emprego e contar, como titulación mínima, co certificado de escolaridade.