O goberno de Cambre demostra a súa aposta polas escolas unitarias ao investir miles de euros en reformas

A Concellaría de Educación realizou durante este verán varios arranxos e obras menores nos centros escolares do municipio en previsión do inicio do curso escolar, pero neste exercicio destaca o investimento que o executivo local ha levado a cabo nas Escolas Unitarias, un esforzo económico que demostra a súa  aposta decidida polo mantemento deste sistema educativo que, segundo o propio concelleiro de Educación, Jesús Bao, é frontalmente oposto á política educativa que executa a Xunta de Galicia.

Lembra que este mesmo verán, sen previo aviso, o entre autonómico pechou a unitaria de Santa María de Vigo sen importarlle os prexuízos que ocasionaron en varias familias desta parroquia rural. Bao lembra que en Cambre están operativas as Escolas Unitarias de Pravio e Cecebre, e que vai seguir loitando pola súa perdurabilidade. “O noso compromiso pódese constatar coas obras que executamos en previsión de inicio escolar. Investimos unha gran cantidade de diñeiro en melloralas e dotalas dos mellores medios. Esa é a política que queremos para Cambre, “sentenciou o edil socialista.

Esta mesma mañá, o responsable municipal de Educación, visitou esta as escolas unitarias de Pravio e Cecebre e aproveitou para analizar as obras que se levaron a cabo en ambos os centros. Destaca  a nova galería da EEI Apeadeiro en Cecebre, que permitirá que os nenos se poidan resgardar os días de choiva e que modificou a imaxe exterior do centro. Doutra banda, os nenos da EEI de Pravio poderán facer uso do xardín da reitoral de Pravio grazas ás obras de acondicionamento da parte traseira escola. O Concello dispuña dun convenio co Arcebispado asinado en decembro de 2014 polo que cedían este espazo ao concello  para o esparexemento dos escolares da Unitaria, aínda que até este momento os escolares non puideron gozar deste espazo verde.