O Concello do Grove porá en marcha un cambio de dirección da Rúa das Barqueiras

A Xunta de Goberno Local do Concello do Grove ven de aprobar un cambio de dirección que foi proposto polos veciños e veciñas da Rúa Pintor Ernesto Goday. Deste xeito na confluencia desta Rúa coa Rúa Barqueiras poderase facer o xiro a dereita ou a esquerda, axilizando a saída desta zona cara a Rúa Castelao.

Esta modificación supón, polo tanto, a prohibición do xiro da Rúa Luís Casais á Rúa Barqueiras manobra que, por outra banda, supuña unha especial complexidade e de risco pola baixa visibilidade na incorporación e o problemático cruce dende as Rúas Castelao e Pombal.

A posta en marcha deste cambio require de cambios de sinaléctica e de marcas de estrada, que serán realizadas nos vindeiros días.