O centro penitenciario de Teixeiro conmemora o día da súa patroa

Belén do Campo en Teixeiro

A delegada territorial da Xunta na provincia, Belén do Campo, participou este mediodía nos actos organizados pola dirección da prisión provincial de Teixeiro, no municipio de Curtis, con motivo da festividade da patroa de Institucións Penitenciarias, Nosa Señora da Merced. Ao acto tamén asistiron o subdelegado do Goberno na provincia, Jorge Atán, o presidente do Tribunal Superior de Xustiza de Galicia, Miguel Ángel Cadenas, o tenente alcalde do municipio, Antonio Fraga, así como diversas autoridades dos corpos e forzas de seguridade do Estado.