Nai e filla foron atendidas por inhalación de fume tras arder unha freidora en San Cibrao das Viñas

Dúas persoas, nai e filla, necesitaron asistencia sanitaria ao resultar afectadas pola inhalación do fume que provocou unha cazola ao lume, segundo informa o 112. Un particular foi o que chamou ao centro de atención ás emerxencias, sobre as 22,00 horas deste martes, para solicitar axuda. Indicou que ardía a cociña no seu domicilio, na rúa Lavandeira.

Aínda que nun primeiro momento pensouse que o suceso ocorrera no Concello de Ourense, a dirección correspondíase co de San Cibrao das Viñas.

Por iso, o 112 alertou aos bombeiros de Ourense e de San Cibrao. Tamén informou os servizos sanitarios de urxencia, que, chegados ao lugar, comprobaron que había dúas persoas afectadas polo fume, a dona do piso e a súa filla, ás que atenderon no mesmo domicilio, sen ser preciso o seu traslado. Finalmente, os efectivos do parque municipal foron os encargados de apagar o lume.

Así, confirmaron que ardeu unha freidora e uns trapos que a muller utilizara para tentar apagar as chamas. O persoal do 112 tamén solicitou a colaboración dos axentes da Policía Local e dos membros de Protección Civil de Ourense e de San Cibrao, así como ao GES de Pereiro de Aguiar.