Manuel Martínez apoia a moción de censura de PSdeG e BNG na Deputación de Lugo

O alcalde de Becerreá, o socialista Manuel Martínez, aceptou apoiar a moción de censura do seu partido e do BNG para recuperar o goberno da Deputación de Lugo, en mans do PP desde o pasado mes de xuño, despois de que lle expuxeron nunha reunión en Rábade os termos do principio de acordo ao cal chegaron o PSdeG e o BNG.

Manuel Martínez indicou que apoia a moción de censura tras reunirse cos outros dez deputados provinciais socialistas porque interpreta que se respectan as condicións que se acordaron nunha reunión con alcaldes socialistas celebrada o pasado 18 de agosto.

Unha das condicións pactadas é que o alcalde de Becerreá entrará novamente no Goberno provincial. Mentres tanto, PSdeG e BNG ultiman as negociacións para levar a bo termo o seu preacordo e poder presentar unha moción de censura que lles permita reeditar un goberno de coalición na Deputación de Lugo e desprazar á popular Elena Candia da presidencia.