publicidade hoxe
Publicidade
omeulibro1

Malpica amplía a oferta de actividades coa posta en marcha da Escola Municipal de Tenis

PUBLICADO EN: Noticias de GaliciaMalpica de Bergantiños
A-
A+

A Concellería de Deportes de Malpica amplía a súa oferta de actividades para este curso coa posta en marcha da Escola Municipal de Tenis tanto para nen@s coma para adult@s, aínda que se requirirá un mínimo de 10 participantes no primeiro caso e de seis no segundo para garantir a viabilidade do proxecto. As sesións de adestramento, dirixidas polo Club de Tenis Punta Salera, da Pobra do Caramiñal, desenvolveranse os domingos no polideportivo. A cota será de 10 € para os nenos e nenas de cinco a dezaseis anos e de 15 € para os maiores desa idade. Os interesados poden informarse e inscribirse no Departamento de Deportes (981 720 001). O vindeiro sábado 27, ás 12 horas, celebrarase unha xuntanza con tod@s no salón de plenos do Concello.

O departamento que dirixe IagoEspasandín está traballando en novas actividades para dar resposta á demanda deportiva tanto de nen@s coma de maiores. Para estes últimos, a Concellería de Deportes mantén dúas propostas que acadaron gran éxito e moita participación o ano pasado. O 13 de outubro comezará o curso de ximnasia terapéutica tanto no pavillón de Malpica coma na Casa do Oleiro de Buño. As sesións serán os martes e os xoves, en Buño de 10.15 a 11 horas e en Malpica, de 11.15 a 12 horas. A cota é de 10,85 € ao mes. As persoas interesadas poden informarse e anotarse no Departamento de Deportes ou na Casa do Oleiro.

Este curso, así mesmo, volverá a haber clases de zumba os martes e os xoves, de 15.20 a 16.10 horas, no Centro Cívico de Malpica sempre que haxa un mínimo de 18 inscrit@s. A presentación do curso, que vai dirixido a maiores de 16 anos e que o ano pasado acadou unha altísima participación, con máis de cincuenta alumnas, será o 14 de outubro ás 15.30 horas. A cota tamén é de 10,85 €/mes. Información e inscricións no Departamento de Deportes ou no 981 720 001.

16 de setembro de 2015 | 19:15 • Sen comentarios

Comentarios pechados.