publicidade hoxe

Cambre incorpora un remolque de emerxencias e material para protección civil

PUBLICADO EN: Noticias de GaliciaCambre
A-
A+
Novo remolque para os servizos de emerxencias

Novo remolque para os servizos de emerxencias

O Concello de Cambre mellora o equipamento que estará a disposición da Agrupación de Voluntarios de Protección Civil incorporando un remolque de emerxencias dotado co correspondente material e ferramentas (rozadora, motobomba, xerador, motoserra, etc) que permitirá facilitar os traballos do SEMPC emerxencia e primeira intervención. O novo equipamento foi entregado a principios de mes aos profesionais do Servizo de Emerxencias e Protección Civil de Cambre polo Vicepresidente da Xunta de Galicia, Alfonso Rueda, na Estrada. O remolque de emerxencias e o seu equipamento foron financiados integramente por Vicepresidencia e Consellería de Presidencia, Administracións Públicas e Xustiza da Xunta de Galicia no marco das convocatorias dirixidas a municipios de menos de 50.000 habitantes que contasen con Agrupación de Voluntarios de Protección Civil. O alcalde de Camrbe, Óscar García Patiño, desprazouse á Base David Pisan para ver o novo material co que se dota o servizo cambrés de emerxencias.

17 de setembro de 2015 | 20:07 • Sen comentarios

Comentarios pechados.