As defensas de Porto e Basterra piden limitacións aos medios de comunicación para un xuízo xusto
As defensas de Rosario Porto e Alfonso Basterra solicitaron limitacións na emisión de imaxes sobre o transcurso do xuízo que trata de esclarecer se eles acabaron coa vida da súa filla Asunta Basterra. Segundo explicaron, o que tratan de evitar é a retransmisión das imaxes do xuízo, pero non queren que se desenvolva a porta pechada, senón que os xornalistas poderían tomar notas.
Pola contra, o fiscal sinalou que “procede a publicidade” ao entender que quen queira opinar sobre o mesmo farao, e, na súa opinión, é preferible que o fagan a partir de “materia prima” que sexa “a realidade” do ocorrido na sala.
O presidente do tribunal do xurado, tras intervir o letrado da acusación popular, demandou aos membros do mesmo que deliberen sobre esta cuestión.