publicidade hoxe

Apertura do prazo para solicitar a axuda do Programa de Alimentos de Salceda

PUBLICADO EN: Noticias de GaliciaSalceda de Caselas
A-
A+

O departamento de Servizos Sociais do Concello de Salceda ven de abrir o prazo para as novas solicitudes para entrar a formar parte do Programa de Alimentos do Concello. As persoas interesadas deben pasar polas oficinas do departamento antes do día 30 deste mes de setembro, para que se lles informe dos requisitos precisos, documentación a presentar…, debendo estar empadroados en Salceda con unha antelación mínima de tres meses para poder acceder ao Programa.

O Programa de Alimentos de Salceda atende actualmente a unhas 70 familias do Concello, que reciben alimentos en función do número de membros da unidade familiar, con especial atención aosmáis cativos. O Programa súrtese fundamentalmente dos excedentes da Unión Europea distribuídos a través da Cruz Vermella, aínda que é básica tamén a aportación de alimentos feita de actos benéficos, festivais, certames… organizados tanto polo Concello como por diferentes asociacións e entidades do municipio.

Teresa Pérez, Concelleira de Benestar Social: “Estamos a falardun programa fundamental e que resulta de gran axuda para as familias máis desfavorecidas do noso Concello. Aproveito para agradecer a enorme colaboración das asociación e empresas de Salceda, que continuamente están a faceraportacións para mellorar o programa”.

14 de setembro de 2015 | 18:26 • Sen comentarios

Comentarios pechados.