publicidade hoxe
Publicidade
omeulibro1

Un centenar de persoas recordan en Caldas de Reis ás nenas asasinadas en Moraña

PUBLICADO EN: Noticias de GaliciaCaldas de ReisPortada esquerdaSucesos
A-
A+
Europa Press

Un centenar de veciños de Caldas de Reis (Pontevedra) participaron este sábado nunha marcha silenciosa en recordo das dúas nenas de nove e catro anos asasinadas, supostamente polo seu pai, en Moraña o pasado 31 de xullo.

   A marcha partiu ás 12,00 horas da igrexa da localidade rumbo ao edificio dos xulgados, ante o cal os presentes soltaron globos azuis nos que se puido ler os nome das dúas pequenas, Candela e Amaia.

   “Queremos solidarizarnos coa familia e tamén concienciar á sociedade para que un crime como este non volva acontecer”, explicou a tenente de alcalde de Caldas, Socorro Tobío.

   Tras a marcha, ademais, os participantes gardaron un minuto de silencio e depositaron numerosas velas ante os xulgados en recordo das dúas nenas e como mostra de rexeitamento ao maltrato infantil.

CONCENTRACIÓN EN MORAÑA

   A deste sábado súmase á concentración celebrada o venres en Moraña, onde os veciños tamén organizaron unha marcha silenciosa na xornada na que se cumpría unha semana dende o falecemento de Candela e Amaia.

   Precisamente, o xoves, o presunto parricida, David O., acudiu de novo ao Xulgado Mixto número un de Caldas, onde permaneceu durante máis dunha hora e media colaborando na práctica dunha dilixencia que a xuíza instrutora considera “imprescindible e urxente” e que, segundo aclarou o TSXG, non se trata de ningunha proba psiquiátrica ou psicolóxica.

   Á súa saída dos xulgados de Caldas, varios veciños volveron increpar o home, a chamalo ‘asasino’ e a desexarlle unha ‘mala vida no cárcere’. Segundo explicaron fontes coñecedoras da situación, se non se producen cambios, o presunto parricida, que permanece na prisión de A Lama dende o día 1 de agosto, será trasladado proximamente a outra prisión, aínda que aínda se descoñece cando se producirá e qué cárcere será a que finalmente lle acolla, se ben nun principio transcendeu que ía ser a de León.

8 de agosto de 2015 | 22:34 • Sen comentarios

Comentarios pechados.