Traballos de poda e acondicionamento dos espazos verdes de Cerdedo

Membros da brigada municipal de operarios realizan traballos de poda e acondicionamento dos espazos verdes de Cerdedo. Estes traballos son realizados de forma anual e buscan mellorar a contorna de Cerdedo e mellorar a paisaxe. Para iso os traballos son realizados por operarios especialistas e coa axuda da maquinaria existente no Concello. Os obxectivos de realizar estes traballos de poda son para: eliminar as ramas secas, ramas enfermas, ramas gravemente atacadas por insectos, virus ou fungos, ramas rotas, eliminar os restos de ramas e muñóns de podas anteriores, eliminar aquela rama que, sendo máis débil, compita directamente con outra polo mesmo espazo vital, eliminar unha das dúas ramas que se rocen de maneira habitual ou alixeirar aquela rama cun protagonismo excesivo para o tamaño da árbore.

En paralelo a esta actuación os membros da brigada contra incendios atópanse limpando en terreos de titularidade municipal dentro do plan de actuacións deseñado polo equipo de goberno.