publicidade hoxe
Publicidade
omeulibro1

Toman declaración a tres testemuñas sobre o dobre crime de Moraña

PUBLICADO EN: Noticias de GaliciaLocal PortadaMorañaPortada dereitaSucesos
A-
A+
Europa Press

A maxistrada do Xulgado Mixto número un de Caldas (Pontevedra) tomou declaración este luns a tres testemuñas no marco da causa que se segue sobre o dobre crime das dúas nenas de Moraña, que o pasado venres supostamente morreron a mans do seu pai, David O. R., que o sábado foi enviado a prisión imputado por senllos asasinatos.

Tal e como informou o Tribunal de Xustiza de Galicia (TSXG), a xuíza tomou declaración este luns a tres persoas en calidade de testemuñas, aínda que descartou especificar a súa identidade, dado que segue declarado o segredo sobre as actuacións.

Segundo manifestou, aínda que en principio foran citados a declarar dúas testemuñas, unha delas acudiu acompañada e decidiuse tomarlle declaración tamén a esta terceira persoa “polo que puidese achegar á causa”. Estas mesmas fontes indicaron que non está previsto que este luns acudan a declarar máis testemuñas.

Este sábado o presunto parricida foi posto a disposición do xulgado, que decretou o seu ingreso en prisión provisional comunicada e sen fianza e impútalle dous delitos de asasinato, na liña coa medida solicitada polo fiscal do caso.

O home acolleuse ao seu dereito a non declarar tanto en sede xudicial como ante a Garda Civil e está imputado por asasinato a menores de 16 anos, que o novo Código Penal “castiga con prisión permanente revisable”, segundo o fiscal.

O fiscal tamén indicou que pediu a imputación de asasinato porque considera que “hai agravantes”, os cales descartou concretar porque “sería revelar datos que están a ser obxecto de investigación”. Neste sentido, avanzou que aínda faltaban “algunhas dilixencias”, entre as que mencionara que tomarían declaración a testemuñas.

3 de agosto de 2015 | 16:32 • Sen comentarios

Comentarios pechados.