O alcalde da Lama exerceu de anfitrión na Festa da Terceira Idade

Festa da Terceira Idade na Lama

O acalde da Lama, Jorge Canda Martínez, oficiou como anfitrión na Festa da Terceira Idade que se celebrou na Carballeira das Ermidas á que acudiron un gran número de persoas, entre elas Blanca García-Señoráns Álvarez, directora xeral de Relacións Institucionais e Parlamentarias da Xunta de Galicia, quen acudía ao evento en representación do vicepresidente do executivo autonómico, Alfonso Rueda.

A Carballeira das Ermidas resultou un lugar extraordinario para o Xantar de Confraternidade protagonizado polas familias que acompañaron aos maiores da casa nesta tradicional comida que se celebra na Lama organizada polo Concello e que pon o colofón á Semana Cultural. 

A xornada estivo amenizada pola Charanga Os Encerellados de Campo Lameiro que coa súa música e bo humor fixeron máis entretida a xornada festiva na Lama. 

Jorge Canda mostrouse moi satisfeito pola gran cantidade de persoas que participaron neste evento e sinalou que “é un acto que aglutina ao mesmo tempo o noso desexo de homenaxear aos nosos maiores á vez que os facemos protagonistas dun evento destas características onde serve tamén para que as familias compartan mesa e conversación á sombra destas magníficas árbores que conforman a inigualable Carballeira dás Ermidas”, sinalou o alcalde Jorge Canda.