Unha ducia de equipos participarán na primeira edición do torneo de futbol sala no pavillón de Ponte Caldelas
Unha ducia de equipos participará na primeira edición do Torneo de Fútbol Sala que terá lugar a vindeira fin de semana no pavillón de deportes municipal de Ponte Caldelas e que conta coa colaboración do Concello.
Os equipos que formarán parte do elenco que competirá polos distintos premios proceden de Fornelos, A Lama, Monte Porreiro, Pontevedra e Ponte Caldelas. O gañador, ademais do trofeo acreditativo da xesta, recibirá 500 euros de premio; o segundo clasificado terá trofeo e 200 euros e o terceiro, 100 euros e trofeo.
A organización prevé tamén a entrega de premios para o mellor xogador, o porteiro menos goleado e o goleador do torneo que se disputará nas instalacións renovadas do pavillón municipal de deportes de Ponte Caldelas.
O alcalde, Andrés Díaz, agradeceu ós organizadores que elixiran o Concello de Ponte Caldelas para realizar este primeiro trofeo e animou a tódolos colectivos sociais e deportivos a realizar actividades que teñan como punto de referencia o pavillón de deportes “como un xeito de abrilo á cidadanía e favorecer a práctica saudable do deporte para tódalas idades”.
Díaz Sobral asistirá á entrega de trofeos que terá lugar na xornada de clausura que terá lugar no pavillón municipal o vindeiro domingo.