Rescatan a dous xóvenes en apertos nunha praia de Ribadeo

Os membros do servizo de vixilancia da praia Os Castros de Ribadeo (Lugo) rescataron este martes a dous bañistas que se atopaban en apertos cando nadaban a uns 200 metros da costa, segundo informa o 112. Os dous mozos non necesitaron asistencia sanitaria, xa que se atopaban en perfecto estado de saúde. Os socorristas precisaron que non empregaron medios acuáticos para o rescate debido á proximidade á costa.

O 112, tras recibir a alerta pasadas as 17,30 horas, puxo os feitos en coñecemento de Salvamento Marítimo e do servizo de gardacostas, aínda que non foi necesaria a súa intervención, unha vez comprobado que os bañistas estaban a salvo.