O alcalde da Lama entrega unha placa de agradecemento polo seu labor á doutora Marta Díez de Ángulo

Entrega da placa

Esta mañá o alcalde da Lama, Jorge Canda, fixo entrega en nome do Concello dunha placa de agradecemento e recoñecemento polo seu labor como doutora no municipio a Marta Díez de Ángulo, quen tras dez anos no ambulatorio municipal, abandona o centro por causas persoais.

Durante a entrega, a doutora mostrouse moi agradecida polo obsequio e tamén polo trato recibido durante o seu período no municipio, onde exerceu como médico durante unha década sendo coñecida e apreciada polos veciños e veciñas lamenses.

A placa foille entregada a Díez de Ángulo no Centro de Saúde da Lama, o seu lugar de traballo, en presenza dos seus compañeiros.