RCD Galicia iniciará a explotación do punto limpo e do centro verde de Monforte

O Concello de Monforte de Lemos informa que no concurso de explotación do Punto Limpo  e do Centro Verde (punto limpo industrial),de todas as  empresas que presentaron oferta, a empresa seleccionada foi, Reciclajes Gallegos de Residuos de Construcción e Demolición, S.L. (RCD Galicia SL). O custo do contrato ascende a 27.251,52€/año IVE engadido. A duración deste será de dous anos, cunha prórroga de dous anos máis como máximo.

A empresa encargarase de todas as operacións relacionadas co punto limpo e co centro verde, coidando en todo momento da boa orde do servizo, transporte dos residuos ás instalacións de reciclaxe, tratamento ou eliminación  e da preparación da documentación requirida pola lexislación vixente.

As instalacións do Centro Verde estarán destinadas á recepción dos residuos industriais, procedentes de empresas e autónomos, correspondentes as categorías que se indican:

Papel e cartón, voluminosos, chatarra, plástico, vidro, parabrisas, illantes, caucho, coiro, fluorescentes, aceite mineral, aceite vexetal, pilas, baterías, tóner, disolventes, aerosois e RAEEs.

O punto limpo estará destinado á recepción e almacenamento dos residuos domésticos. Os residuos aceptados son: Papel e cartón limpo, envases lixeiros , envases de vidro, plásticos, plásticos agrícolas, polistireno, madeira, chatarra, voluminosos, fluorescentes, aceite mineral, aceite vexetal, pilas, baterías, pinturas, cascallos de obras menores,  vidros de construción, tóner, disolventes, aerosois, aparatos eléctricos, roupa usada e zapatos.

A empresa  adxudicataria RCD Galicia comezará a prestar  o servizo a partir do 23 de xuño dos correntes.