O Seprona de Noia interceptou 8.800 quilos de xurelo nun camión

Axentes da Garda Civil adscritos ao Servizo de Protección da Natureza (Seprona) de Noia (A Coruña) interceptou o mércores no quilómetro 85 da estrada AC-550 un camión que circulaba con 8.800 quilos netos de xurelo sen documentación. Segundo explicou o Instituto Armado, o condutor do vehículo carecía da documentación para amparar o legal transporte do peixe intervido.

Por este motivo os axentes incautáronse do peixe, que entregaron ao Banco de Alimentos da Coruña. Neste operativo colaborou o Servizo de Gardacostas da Xunta de Galicia. De feito, segundo indicou a Benemérita, efectuouse a correspondente acta-denuncia ante a Consellería de Medio Rural e do Mar da Xunta.