publicidade hoxe

O alcalde de Brión representará á FEGAMP na Comisión Superior de Urbanismo de Galicia

PUBLICADO EN: Noticias de GaliciaBriónLocal Portada
A-
A+

O alcalde de Brión, José Luís García, será o representante titular da Federación Galega de Municipios e Provincias (FEGAMP) na Comisión Superior de Urbanismo de Galicia. Así llo comunicou esta maña o secretario xeral da FEGAMP, Eduardo Ramonde Rodríguez, quen indicou que a designación se realiza a proposta do grupo político socialista.

Así mesmo, José Luís García foi elixido onte luns como deputado provincial do PSOE polo partido xudicial de Compostela. Uns nomeamentos que García asume “con toda humildade” e co obxectivo de “traballar con lealdade para os veciños e veciñas de todos os municipios, independentemente da súa cor política”. Neste sentido, augura que “será unha lexislatura na que haberá que gobernar con outros grupos políticos, polo que espero que a miña experiencia a nivel municipal poida ser útil á hora de chegar a acordos”.

16 de xuño de 2015 | 16:51 • Sen comentarios

Comentarios pechados.