publicidade hoxe

Máis de 3.000 persoas asistiron ao VI Torneo Internacional Fútbol 8 ‘Vila de Verín’

PUBLICADO EN: Noticias de GaliciaVerín
A-
A+
Torneo Internacional de Fútbol 8

Torneo Internacional de Fútbol 8

O complexo deportivo de A Granxa acolleu o VI Torneo Internacional de Fútbol 8 ‘Vila de Verín’, ao que asistiron máis de 3.000 persoas que presenciaron unha competición que contou con trinta e sete equipos de Galicia e norte de Portugal (categorías prebenxamín, benxamín e alevín).

Na categoría de prebenxamín os catro primeiros postos foron para EDC Verín A (1º), Purísima (2º), Vila de Corpus (3º) e Antela (4º). Os trofeos de mellor xogador recaeron en Hugo Ossorio do EDC Verín A, e o de porteiro en Juan da Purísima. Nesta categoría competiron os equipos Antela, Celanova, ED Ourense, Santa Teresita, Vila de Corpus, Arrabaldo, EDC Verín A, Purísima e Velle.

Na de benxamín, no que participaron doce formacións (Antela, Boticas, Chaves, ED Ourense, EDC Verín B, Santa Teresita, Arrabaldo, Celanova, Diogo Cao, EDC Verín A, Ourense CF e Vila de Corpus), os catro primeiros clasificados foron Antela (1º), EDC Verín A (2º), Vila de Corpus (3º) e EDC Verín B (4º). Como mellor xogador foi elixido Christian Salgado do EDC Verín A e como mellor porteiro Lucas do Vila de Corpus.

E xa na categoría de alevín os catro primeiros postos recaeron en Vila de Corpus (1º), Diogo Cao (2º), Ourense CF (3º) e Chaves (4º). Nesta competiron un total de dezaseis equipos: Antela, Barbadás, Chaves, ED Ourense, EDC Verín B, Pedro Fins, Santa Teresita, Vigo 2015, Arrabaldo, Boticas, Diogo Cao, EDC Verín A, Independiente, Ourense CF, Tyde e Vila de Corpus. Na categoría alevín, foi seleccionado como mellor xogador Diego do Vila de Corpus e coma porteiro Pío do Chaves.

Os trofeos de deportividade recaeron no Vila de Corpus (prebenxamín), EDC Verín B (benxamín) e EDC Verín A (alevín). Este torneo foi organizado polo Concello de Verín coa colaboración de Cabreiroá, Hortoverín e AEVER-CCU Verín. 

3 de xuño de 2015 | 17:41 • Sen comentarios

Comentarios pechados.