Entréganse os premios do concurso gastronómico Bocados 2015 en Nigrán

Entrega de premios

As instalacións das adegas Adegas Val Miñor acolleron na tarde de hoxe a entrega de premios do II Concurso Gastronómico de Mini Cociña de Nigrán “Bocados 2015“, nun acto que contou coa presenza da concelleira de Promoción empresarial, Comercio e Emprego, Rosa Rodríguez, a concelleira de Mocidade Igualdade e Patrimonio, Maria José Piñeiro, a presidenta de OVALMI, Ana Vázquez, e o xerente de Adegas Val Miñor, Carlos Davila, e tamén con máis dunha vintena de hostaleiros participantes no concurso.

A segunda edición deste certame obtivo unha extraordinaria aceptación, tanto por parte dos hostaleiros participantes como polos visitantes.

A Jamonería Alalá, de Panxón, resultou a gran vencedora do primeiro premio na modalidade de 1,50 €, coa referencia “Taquito de solombo”, e Mar e Terra, tamén en Panxón, foi a gran vencedora do primeiro premio na modalidade de 3 €, coa referencia “Carpaccio de polbo con aderezo de lagostino”. 

Os votos escrutados dos participantes no II Concurso de Minicociña deixaron como finalistas ao Restaurante J.R. en Panxón, á Jamonería Alalá e a Mar e Terra, nas dúas modalidades. 

A presidenta de Ovalmi, agradeceu tanto aos hostaleiros como a Adegas Val Miñor, a colaboración en devandito evento, pois é fundamental o desenvolvemento destas iniciativas para fortalecer un dos maiores alicerces da nosa economía local.