A participación na IV Xornada de Portas Abertas da Ruta do Viño do Ribeiro ten premio

As persoas que asistan ás IV Xornada de Portas Abertas nas adegas da Ruta do Viño do Ribeiro poderán participar no sorteo de 5 billetes para o Tren Turístico Ruta do Viño do Ribeiro – Rías Baixas. As persoas interesadas deberán enviar fotografías nas que amosen a súa participación nas actividades das Xornadas:

– Visitas as adegas adheridas á Ruta do Viño do Ribeiro e degustar os seus viños:  ás 11:30, á 13:00 e ás 18:00 horas, do sábado 6 e ás 12:00 horas do domingo 7 de xuño
– Degustación menús especiais que ofrecen os nosos restaurantes.
– Descansando nos aloxamentos participantes..
– Gozar de cada un dos recursos enoturísticos que ofrece a Ruta do Viño do Ribeiro.
– Percorridos enoturísticos no ViñoBus

As fotos serán publicadas no Facebook na Ruta do Viño do Ribeiro e as que resulten máis votadas serán preseleccionadas e entre elas, posteriormente, elixiranse as instantáneas gañadoras por un comité de membros da Ruta do Viño do Ribeiro.

O prazo para enviar as fotografías comeza o día 6 e remata o día 13 de xuño, aínda que é condición imprescindible para participar, que as fotografías se realizaran durante a celebración das xornadas.