publicidade hoxe

A Escola de Ocio e Tempo Libre de verán comeza na Casa da Cultura de Ribadumia este luns

PUBLICADO EN: Noticias de GaliciaRibadumia
A-
A+

O Concello de Ribadumia, a través da Concellería de Servizos Sociais, pretende informar ós seus veciños que o vindeiro luns 29 de xuño comezarán as actividades da Escola de Ocio e Tempo Libre do verán na Casa da Cultura de Ribadumia. Como xa se ten informado, o Concello de Ribadumia aceptou este ano todas as solicitudes que se presentaron -79 nesta ocasión- e tan só foron rexeitadas dúas por falta de documentación. 

Polo tanto, a partir do luns, 79 nenos de Ribadumia maiores de tres anos disfrutarán das actividades especiais que os monitores teñen preparadas para os pequenos. Dende xornadas lúdicas, xogos en exteriores, talleres, (etc.). 

A Escola de Ocio e Tempo Libre de Ribadumia funciona durante todo o ano, e nestes meses de verán desenvolverase en horario de mañá, de 8:00 a 14:00 horas, nas instalacións da Casa da Cultura de Ribadumia.

Ademais, a escola adáptase ós horarios dos pais e non é necesario que os nenos cumpran o horario estipulado, senón que poden facer o seu propio tendo en conta os traballos dos pais. 

Este programa municipal, pioneiro na comarca do Salnés, ten grande éxito de participación durante os meses de verán e cada ano acolle a máis nenos do municipio.

26 de xuño de 2015 | 13:23 • Sen comentarios

Comentarios pechados.