A Escola de Danza Municipal de Monforte celebra o festival fin de curso no Multiusos
O Festival que clausura o presente curso da escola municipal de danza terá lugar este sábado día 20 de xuño no auditorio do centro no edificio multiusos as 20:00 horas e correrá a cargo do alumnado da escola en todas as especialidades de danza. Actuarán os alumnos de ballet clásico, danza moderna, danza tradicional galega, baile de salón e danza moderna de Esc.municipal Arzua (invitados).
As actuacións se intercalarán entre todas as modalidades. En ballet clásico danzaranse movementos como o “cascanoces”, unha versión da “bella e a bestia”, en danza moderna temas como “Are you Ready” o “Baby one more time” de Britney Spears. En baile de salón bailaranse temas variados de Tango, Bachata e salsa. En Danza Tradicional galega bailarán muiñeiras e xotas populares galegas . O acto contará tamén a modo de intercambio ca actuación dos alumnos de danza moderna da Escola municipal de danza de Arzua.