Lestedo acolle este sábado o III Serán Sons do Ilicino
A Asociación Cultural Mestre Manuel Gacio organiza este sábado 30 de maio o III Serán Sons do Ilicino en Lestedo. O acto dará comezo ás 20.30 h. co “Seranciño” no que participarán con agrupacións infantís mentres ás 21.00 h. será o momento dos grupos Muxicas da Silveira, Recobio, O Ghusto do Boi, Son de Gaita, Estralampo, Cantigas e Agarimos, A Requinta de Xián e as Pandereteiras de Codeso. O fin de festa será próximo ás 23.00 h. na que todos os asistentes cantarán “Monte Viso”.