Juan Campos competirá no Xarama polo Campionato de España de Resistencia
O próximo fin de semana, días 30 e 31 de Maio dispútase no Circuíto do Xarama unha nova edición do Campionato de España de Resistencia. Nesta ocasión acompañado pola Renault Clío Cup, o Campionato GT de España e as Classic & Leggend Series.
O piloto galego Juan Campos, xunto con todo o seu equipo, desprazarase ao mítico trazado da capital coa moral moi alta tras o podio alcanzado fai tres semanas no circuíto da Comunidade Valenciana. “Repetir ese resultado sería un gran logro, xa que a División 4 na que competimos é, sen dúbida, a máis rifada de todo o certame”.
Os adestramentos ocuparán toda a xornada do sábado, deixando para o domingo as dúas emocionantes carreiras.
Como novidade, durante o fin de semana previo á carreira, o GRUPO BREA realizou un concurso que tiña como premio un pase VIP para dúas persoas. Os agraciados acompañarán, durante todo o fin de semana á Escudería Cerdedoenrali e dese modo poderá gozar en primeira liña do evento.