Enviar a un amigo
Opinar
ImprimirEntréganse os premios dos certames do Día das Letras Galegas en Verín
Na Gala Músico-Literaria das Letras Galegas, celebrada na Casa da Cultura de Verín, Juan Manuel Jiménez Morán, alcalde do Concello de Verín, institución promotora dos premios; Benita Fernández Pérez, sobriña do literato difunto Antonio Fernández Pérez; Xosé Carlos Caneiro e os membros do xurado cualificador: María Teresa Santamaría Hervella, Montserrat Núñez Luis, María del Pilar López López e Serafín Vázquez Álvarez entregaron os premios do Certame de relato curto Antonio Fernández Pérez e do Certame de poesía Xosé Carlos Caneiro Pérez.
No Certame de relato curto Antonio Fernández Pérez foron finalistas 29 traballos de alumnos do CEIP O Castiñeiro de Laza, CEIP Amaro Refojo, Colexio Privado Plurilingüe María Inmaculada, Colexio Apostólico Mercedario, IES Castro de Baronceli e IES Xesús Taboada Chivite.
No nivel de 5º e 6º de Primaria gañou o primeiro premio O brillo dunha heroína, de Iria Rey Álvarez, alumna de 6º B do Colexio Privado Plurilingüe María Inmaculada. O segundo premio foi para O soño de Amazigh, de Manuel Añel Prieto, alumno de 6º do CEIP Amaro Refojo. E o terceiro premio logrounoReconciliación, de Sara Xing Moredo Martínez, alumna de 5º do CEIP Amaro Refojo.
No nivel de 1º e 2º de ESO, o primeiro premio recaeu en A carta viaxeira, de Álvaro López Greco, alumno do IES Castro de Baronceli. O segundo premio en A aventura de Pirimatia, de Uxía Loureiro Pérez, alumna do IES Castro de Baronceli. O terceiro premio enA biblioteca encantada, de Saúl Fernández Gómez, alumno de 1º do Colexio Apostólico Mercedario.
No nivel de 3º e 4º de ESO, o primeiro premio foi para A melodía do silencio, de Daniela Domínguez Gómez, alumna de 4º C do IES Xesús Taboada Chivite. O segundo premio para Cen golpes, de Natalia Salgueiro López, alumna de 4º do Centro Privado Plurilingüe María Inmaculada. E o terceiro premio para Mírame, mírate, de Lucía Rodríguez González, alumna de 3º B do Centro Privado Plurilingüe María Inmaculada.
No Certame de poesía Xosé Carlos Caneiro Pérez chegaron á fase final 28 poemas de alumnos do CEIP O Castiñeiro de Laza, CEIP Amaro Refojo, Colexio Privado Plurilingüe María Inmaculada, Colexio Apostólico Mercedario, IES Castro de Baronceli e IES Xesús Taboada Chivite.
En 5º e 6º de Primaria gañou o primeiro premio, Cando estamos xuntas, de Lara Lamas Colmenero, alumna de 6º do CEIP. O segundo premio foi para Nós, de Helena Rivero Ferreira, alumna de 6º do CEIP O Castiñeiro de Laza. O terceiro premio para Primavera, de Rosa González Requejo, alumna de 6º do CEIP O Castiñeiro de Laza.
En 1º e 2º de ESO o primeiro premio recaeu en Lembro un tempo no que…, de Katia Vidal Morales, alumna de 1º D do IES Xesús Taboada Chivite. O segundo premio en Galicia, de Raúl Romasanta Sanmiguel, alumno do IES Castro de Baronceli. E o terceiro premio en Ti, de Marta Caneiro Losada, alumna de 2º A do Colexio Privado Plurilingüe María Inmaculada.
En 3º e 4º de ESO o primeiro premio foi para Dime, de Natalia Salgueiro López, alumna de 4º do Centro Privado Plurilingüe María Inmaculada. O segundo premio para Moitas veces as palabras non queren vivir, de Ana Fornos Álvarez, alumna de 3º A do Centro Privado Plurilingüe María Inmaculada. E o terceiro premio para, Pérdida, de Noa Fernández Méndez, alumna de 4º C do IES Xesús Taboada Chivite.
Todos os finalistas recibiron un lote de libros e un diploma acreditativo. Ademais, os traballos seleccionados como primeiro premio obtiveron 90 euros; os segundos, 60; e os terceiros, 30 euros.
