Encontro escolar no territorio da Eurocidade Chaves-Verín entre o IES Castro de Baronceli e o Colexio Nadir Afonso

Encontro de escolares

A AECT Eurocidade Chaves-Verín, en colaboración co Clube Cultural e Recreativo de Vilela do Tâmega de Chaves, organizou un encontro escolar dos centros educativos IES Castro de Baronceli e Colexio Nadir Afonso co obxectivo de promover o intercambio e a convivencia entre os/as alumnos/as dos dous centros educativos, a través da práctica conxunta de xogos populares.

Durante a xornada de onte, preto de 30 nenos do IES Castro DE Baronceli de Verín se desprazaron a Chaves para convivir cos alumnos do Colexio Nadir Afonso, onde tiveron a oportunidade de coñecer e practicar xogos populares realizados polos seus pais e avós, como son a ra, carreira de sacos, carreira dos pés atados, aro ou buxaina, entre outros. Ademais, a realización deste encontro senta as bases para a realización de futuros intercambios educativos entre o IES Castro de Baronceli e a agrupación de escolas Dr. Julio Martins del Municipio de Chaves.

Esta iniciativa lúdico-educativa, enmarcada dentro do proxecto “European Medieval Sports & Street Games Network (Ga.M.E.S.Net)”, ten por obxecto concienciar aos/ás máis novos/as da necesidade de preservar e conservar os xogos tradicionais como símbolo de identidade histórica e patrimonio histórico-cultural deste territorio transfronteirizo. A mesma finaliza o vindeiro mes de xuño co Encontro Transfronteirizo de Xogos Tradicionales que terá lugar en Chaves. No ámbito do proxecto “GaMES.Net” preténdese promover e salvagardar os deportes e xogos tradicionais en Europa e os seus valores comúns, que forman parte do Patrimonio Material Intanxible e que son importante símbolo da identidade cultural das sociedades europeas. O proxecto “European Medieval Sports & Street Games Network” (GaMES.Net), coordinado pola Federación Italiana de Xogos e Deportes Tradicionais, está constituído por 14 socios de 8 países diferentes, Alemaña, Bulgaria, España, Francia, Italia, Malta, Portugal e República Checa, contando co cofinanciamento do Fondo Europeo de Desenvolvemento Rexional.