Ainoa García gaña o primeiro premio no proxecto europeo eTwinning

Ainoa García-Puertas Pérez, alumna da materia Tecnoloxías da Información e a Comunicación (TIC’s) de  1º Bacharelato do IES “Praia Barraña” de Boiro acada o primeiro premio no proxecto europeo eTwinning 2015. O xurado do V Concurso Europeo de Marcapáxinas acordou conceder os seguintes premios:

1º premio (100 €): Ainoa García-Puertas Pérez – IES Praia Barraña, Boiro, Galiza, España
2º premio (75 €): Lisa Topi – Liceo Classico S. C. Calasanzio, Italia
3º premio (50 €): Héctor Oanes Ferrín – IES San Clemente, Santiago de Compostela, Galiza, España
Accésit (30 €): Ana – Escola secundaria Carlos Amarante, Braga, Portugal

Ao concurso, no que participaron 16 institutos de Portugal, Italia, Francia e España, presentáronse máis de 300 marcapáxinas a través do proxecto eTwinning Letras Galegas 2015 – Rosalía de Castro, que ten outras actividades como gravación de vídeos, curso de galego, cronoloxía e tradución de obras de Rosalía e doutros autores como o portugués Fernando Pessoa e o xenovés Edoardo Firpo.

O obxectivo principal deste proxecto foi dar a coñecer a lingua galega e a obra de Rosalía de Castro, ela foi a primeira escritora homenaxeada no día das Letras Galegas. Os estudantes deseñaron marcapáxinas inspirados na obra desta autora e empregaron as novas tecnoloxías como medio de traballo.