publicidade hoxe
Publicidade
omeulibro1

Quedou en liberdade o frade do Cebreiro acusado de abuso sexual

O Xulgado de Instrución de Becerreá emitiu un auto de liberdade provisional para o frade franciscano que se facía cargo do santuario de O Cebreiro (Lugo) que fora encarcerado en Bonxe acusado de abusos sexuais a un minusválido psíquico e a unha menor.

   Segundo ratificou o Tribunal Superior de Xustiza de Galicia (TSXG), o auto ditouse o pasado venres con orde de afastamento das vítimas e do propio termo municipal lucense de Pedrafita.

   José Q., de 57 anos, abandonou na pasada xornada a prisión de Bonxe. Fora detido a finais de febreiro e, na súa declaración ante o xuíz de Becerreá, recoñeceu manter relacións sexuais consentidas cunha moza de 17 anos.

   Non obstante, negou abusar dunha persoa minusválida e pagar as vítimas para manter relacións sexuais.

   Tamén a moza incidiu na súa declaración en que as relacións co frade eran consentidas e sen que mediasen pagamentos, se ben admitiu que este lle daba pequenas cantidades de diñeiro a xeito de axuda económica á súa familia.

12 de abril de 2015 | 01:56 • Sen comentarios

Comentarios pechados.