publicidade hoxe
Publicidade
omeulibro1

Melide acolle o sábado os debates escolares “Modelo Parlamento Europeo, MEP”

PUBLICADO EN: Noticias de GaliciaMelide
A-
A+

O vindeiro sábado día 2 de maio vai celebrarse en Melide a primeira edición galega dos debates escolares “Modelo Parlamento Europeo, MEP”, organizada por Agorae, a asociación galega para a promoción da oratoria en Europa, de recente creación. O equipo do IES Chamoso Lamas, adestrado polos profesores Clara Vázquez e Miguel Pereira, e os alumnos:Ana Fernández Justo,Lucía España Fariñas,  Yeray Diéguez Barreiro, Danarys Michel Constantine.

A actividade, celébrase por primeira vez en Galicia como resultado da colaboración entre a devandita asociación e os organizadores e promotores da actividade a nivel nacional, a Fundación San Patricio. Conta co apoio da Dirección Xeral de Xuventude e Voluntariado e do Concello de Melide, de tal xeito que a comunidade autónoma participa neste certame cunha representación de 10 centros de ensino. 

Os centros participantes nesta edición serán:

- IES Chamoso Lamas de O Carballiño
- IES Maruxa Mallo de Ordes
- IES A Pinguela de Monforte
- IES Eduardo Pondal de Santiago
- IES Antón Fraguas de Santiago
- IES de Melide
- Colexio SEK Atlántico de Poio
- ColexioLa Salle, de Santiago
- CPR PREMIR, de Santiago

Os temas que debatirán son:

- A política de cohesión e os nacionalismos na UE
- A prevención do uso do sistema financeiro para o blanqueo de capitais
- Programa xeral de Medio Ambiente da Unión / Ecoinnovación – Emprego e crecemento a través da política medioambiental
- Como promover a competitividade e sustentabilidade no emprego para as persoas con discapacidade na UE?

30 de abril de 2015 | 17:14 • Sen comentarios

Comentarios pechados.