Lousame celebra a primeira “Gala do Deporte” que distinguirá aos deportistas e clubs máis destacados do municipio

O auditorio da Casa da Cultura de Lousame celebrará mañá sábado 11 de abril, ás 20:00 horas, a primeira Gala do Deporte, un recoñecemento aos mellores deportistas e clubs do municipio tanto durante o ano 2014 como á súa traxectoria deportiva. Un acto que estará presidido pola alcaldesa de Lousame, Teresa Villaverde, e polo concelleiro de Deportes, Manuel Ourille. A entrada é libre e de balde, ata completar aforo.

O Concello de Lousame entregará nesta I Gala do Deporte un total de 19 distincións, divididos en catro categorías. Entre elas destacan os premios aos mellores deportistas do ano 2014, que foi para os atletas Marcos Mayo Figueira e Fernando Pérez Fernández; e á mellor deportista da historia de Lousame, que recaeu na atleta Pilar Barreiro Senra. Na primeira categoría, correspondente ao mundo do Motor, entregaranse catro premios:

1- Traxectoria deportiva e promoción de actividades de motocross: David Fabeiro Figueroa “Faba” e Sergio Vázquez Ces “Boni”

2- Traxectoria deportiva en motocross: Santiago Gience Maneiro

3- Traxectoria deportiva e difusión do Concello de Lousame: Escudería Berberecho

4- Traxectoria deportiva (rallies): Luís Carballido

Na categoría de clubs e escolas deportivas, os cinco premiados son:

1- Traxectoria deportiva e promoción do deporte base (tenis): Escola Deportiva Municipal Tenis /Club Punta Salera

2- Traxectoria e promoción deportiva: Lousame Veteranos Fútbol.

3- Traxectoria deportiva e fomento do deporte de base (fútbol): AD Cruído.

4- Traxectoria e éxitos deportivos: Lesende CF, polo seu ascenso á 1ª Rexional

5- Promoción do deporte e colaboración con eventos deportivos municipais: Club BTT e Tríatlon Treito.

A terceira categoría inclúe oito mencións especiais:

1- María del Carmen Freire Pérez “Mari” e Manuela Filgueira Gandarela “Manoli”, pola súa promoción do sendeirismo e colaboración en eventos municipais.

2- José Ángel Gience Maneiro, á súa traxectoria deportiva.

3- Santiago Romero Ons “Piru”, primeiro atleta de Lousame Finisher en tríatlon de longa distancia, como exemplo superación persoal.

4- Óscar Ortigueira Cao (Taekwondo), pola súa proxección deportiva.

5- Marcos García Sóñora (Tenis), pola súa traxectoria

6- José Luís Pan Sobradelo, premiado pola súa traxectoria deportiva e como referente do deporte adaptado.

7- Pilar Barreiro Senra, premio á mellor deportista da historia de Lousame

8- Marcos Mayo Figueira e Fernando Pérez Fernández, premios aos mellores deportistas do ano 2014.

Finalmente, o Concello de Lousame entregará dous premios especiais a Protección Civil e á Rede de Voluntariado Local polo seu apoio fundamental no desenvolvemento das actividades deportivas municipais.