Cerdedo informa do prazo para inscribirse no programa de Benestar en Balnearios
O Concello de Cerdedo a través da Consellería de Traballo e Benestar convoca as prazas para gozar do programa de “Benestar en Balnearios” de Galicia. Os requisitos para participar son ser maior de 60 anos e residir en Galicia. Está incluído no programa o aloxamento e a manutención en réxime de pensión completa durante 10 días así como os tratamentos termais básicos e actividades de carácter sociocultural e de lecer. Pódense presentar as solicitudes desde mañá ata o próximo 15 de maio.