Touro e Vila de Cruces restaurarán conxuntamente o entorno natural de Ponte Remesquide e a súa antiga ponte sobre o Ulla

Estado actual da ponte

Os Concellos de Touro, na provincia da Coruña, e Vila de Cruces, na de Pontevedra, solicitaron unha axuda para a recuperación paisaxística do entorno de Ponte Remesquide, na beira do río Ulla. Os dous concellos fixeron unha solicitude conxunta a través do Fondo de Compensación Ambiental para o ano 2015, que xestiona Vicepresidencia e Consellería de Presidencia, Administracións Públicas e Xustiza.

Touro e Vila de Cruces, concellos dun lado e outro do río Ulla, pretenden restaurar e rehabilitar xuntos un entorno natural dun elevado valor patrimonial, cultural e social e ubicado na Rede Natura. O importe total previsto para investir é de 86.169 euros. E o Fondo de Compensación Ambiental, de confirmarse a subvención, aportaría unos 67.000 euros.

Ponte Remesquide é unha zona de moito interese. Os dous concellos pretenden convertir esa zona nun atractivo natural. E por iso están decididos a promover a súa conservación, reposición e restauración. Ponte Remesquide comunica dous concellos (Touro e Vila de Cruces) e dúas provincias (A Coruña e Pontevedra). Antigamente os veciños, para comunicarse, utilizaban unha ponte, hoxe en desuso, pola que atravesaban persoas, animais e mercadurías. Contaba con pilas de pedra no río unidas por travesas de madeira. A ponte deixou de usarse dende que ao seu lado foi construida unha nova ponte para a circulación de vehículos e persoas. A nova ponte data do ano 1985.

Os Concellos de Touro e Val do Dubra pretenden poñer en valor a vella ponte e restaurala, para o disfrute dos veciños e veciñas dun lado e outro do río. Tamén será restaurado o entorno do río, con zonas de recreo. Alí rematan rutas de sendeirismo destes concellos e a zona é visitada durante todo ano por sendeiristas e amantes da natureza.

Por outra banda, os 19 consellos bañados polas augas do río Ulla xa traballan no deseño da nova edición do programa de promoción turística e da natureza ‘Goza do Ulla 2015’. Esta semana mantiveron encontros para poñer en marcha o programa, que comenzará no mes de abril e rematerá en outubro.