publicidade hoxe
Publicidade
omeulibro1

O presidente do GDR Terras do Deza e os alcaldes dezanos visitaron distintos proxectos da comarca

PUBLICADO EN: Noticias de GaliciaAgoladaLalínRodeiroSilledaVila de Cruces
A-
A+

O presidente da ADR Terras do Deza, Luís López Diéguez xunto co Director Xeral de Desenvolvemento Rural, Antonio Crespo, o Subdirector de Relacións cos Grupos de Desenvolvemento Rural, Javier Blanco Carballal e oXefe Territorial da Consellería do Medio Rural e do Mar, Miguel Pérez Dubois, realizaron esta mañá unha serie de visitas a algúns dos proxectos que foron financiados con cargo aos fondos do Programa Leader de Galicia 2007-2013 e que supuxeron un investimento total nesta comarca de 123.547,41 euros, iniciativas contribúen á diversificación da economía do rural e á mellora da calidade de vida.

A primeira hora e acompañados polo alcalde de Silleda, visitaron Laro, unha das 10 parroquias do Concello de Silleda onde se instalaron os Parladorios e Biosaudables, espazos onde se conxuga a actividade física, e o descanso e socialización.

DATOS DO PROXECTO

ORZAMENTO TOTAL DO PROXECTO

62.256,33 €

ORZAMENTO ACEPTADO (SEN IVE)

51.451,51 €

PORCENTAXE AXUDA CONCEDIDO

50,00 %

IMPORTE DA SUBVENCIÓN

25.725,76 €

A seguinte visita levouse a cabo no Concello de Lalín, acercáronse á empresa Hidramaq Deza, S.L. situada na Cidade do Transporte do Polígono Lalin 2000.

Un dos proxectos mais innovadores executados na comarca, xa que consistiu na apertura dun novo taller e a instalación dunha cabina forno de pintura industrial, para pintado de autobuses e camións, técnica que se consegue cunha redución importante nos consumos eléctricos e unha notable diminución da contaminación medioambiental.

Ademais con este proxecto consolidáronse os 9 empregos existentes e creáronse outros 4 novos.

DATOS DO PROXECTO

ORZAMENTO TOTAL DO PROXECTO

246.150,24 €

ORZAMENTO ACEPTADO (SEN IVE)

208.601,91 €

PORCENTAXE AXUDA CONCEDIDO

36,00 %

IMPORTE DA SUBVENCIÓN

75.096,69 €

A terceira visita levoulles as Terras de Camba, onde no centro social de A Latiza o Concello de Rodeiro instalou unha Aula de Informática completamente equipada, e na que nos vindeiros días, porase en marcha un amplo plan de formación para os veciños.

Aínda que se trata dun proxecto de promoción pública e non se crea emprego directo, dende o primeiro momento o alcalde tiña entre os seus obxectivos a creación da aula como ferramenta de axuda á poboación de Rodeiro que achegue aos veciños a coñecer de maneira directa ás novas tecnoloxías, tan necesarias nos tempos que corremos.

DATOS DO PROXECTO

ORZAMENTO TOTAL DO PROXECTO

14.423,20 €

ORZAMENTO ACEPTADO (SEN IVE)

11.920,00 €

PORCENTAXE AXUDA CONCEDIDO

100 % (sen IVE)

IMPORTE DA SUBVENCIÓN

11.920,00 €

E por último, acompañado polo Alcalde de Agolada, Ramiro Varela, visitaron as instalacións da Casa da Cultura de Agolada onde se atopa a nova Aula de Informática, proxecto de características similares ao de Rodeiro e moi necesario para o concello, que saliu adiante gracias ao empeño do rexedor en resposta á demanda dos veciños.

Y, que xunto coa anterior e as que se instalaron en Goias (Lalín), Vila de Cruces e Silleda completan a Rede de Aulas Informáticas da Comarca do Deza

DATOS DO PROXECTO

ORZAMENTO TOTAL DO PROXECTO

13.074,00 €

ORZAMENTO ACEPTADO (SEN IVE)

10.804,96 €

PORCENTAXE AXUDA CONCEDIDO

100 % (sen IVE)

IMPORTE DA SUBVENCIÓN

10.804,96 €

6 de marzo de 2015 | 17:07 • Sen comentarios

Comentarios pechados.