Escolares do colexio Nicolás del Río prantan novas árbores no entorno da ermita de San Antonio

Escolares participantes na prantación

Tal como ocorrera hai catro décadas, escolares do colexio público Nicolás del Río protagonizaron esta mañá a prantación de novas árbores no entorno do patio exterior do centro. Un acto organizado polo CEIP e o Concello para conmemorar o Día do Árbol. Cumpríase así o compromiso adquirido polo alcalde, Luis Rubido, tras a retirada das árbores, secas e afectadas pola procesionaria, que formaban parte da paisaxe ata hai uns meses. Daquela, o rexidor avanzaba a presente prantación, a instancias da Demarcación de Costas, que solicitara tamén a medida.

Esta mañá máis de douscentos estudantes de Educación Infantil e máis 1º e 2º de Primaria, axudados de dous xardineiros, prantaban unha vintena de exemplares de tamarix gallica canariensis duns tres metros de altura máis a copa. Unha especie moi apropiada para zonas dunares, xa que contribúen á súa consolidación. Dan abrigo, non chegan a un gran porte e adáptanse perfectamente a zonas marítimas.

Non foi a única prantación do día. No entorno da ermita de San Antonio, os escolares de 3º, 4º, 5º e 6º de Primaria do centro, en colaboración coa ANPA Picapeixe, levaron a cabo a prantación doutros sesenta árbores (dez carballos, dez bidueiros, dez acivros, dez abeleiras e 20 ameneiros).