Activo un incendio forestal en Lousame
A Consellería do Medio Rural e do Mar informa dun incendio forestal activo agora no municipio coruñés de Lousame, na parroquia de Fruíme. O lume iniciouse ás 14:03 horas de hoxe e, segundo estimacións provisionais, a superficie afectada supera as 20 hectáreas. Nos traballos de control deste incendio participan 4 axentes forestais, 7 brigadas, 5 motobombas, 1 pa e 3 helicópteros.
A Consellería do Medio Rural e do Mar lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.