O FIV de Vilalba confirma a Delafé y las flores azules, Neuman e Novedades Carminha

O festival FIV de Vilalba (Lugo) confirmou a Delafé y las flores azules, Neuman e Novedades Carminha para a súa oitava edición, que se celebrará os días 20 e 21 de marzo. Ademais, tamén formarán parte do cartel -para o que xa se anunciaran a Sidonie, Niños Mutantes e Cycle- La M.O.D.A. e Eme DJ, segundo informou este mércores a organización. Completan a programación Varry Brava e Faber Estudio3 Dj.

Todas aquelas persoas que adquiran o abono do festival, á venda por 20 euros en ticketea.com, poderán acceder de forma gratuíta e ata completar auditorio a unha zona cuberta de acampada con calefacción e duchas de auga quente.