publicidade hoxe

O Concello de Cedeira informa das axudas estatais ao aluguer de ata 240 euros mensuais

PUBLICADO EN: Noticias de GaliciaCedeira
A-
A+

O Concello de Cedeira informou esta mañá da apertura do prazo para solicitar as axudas ao aluguer que promove o Goberno estatal. Axudas que, no caso de Cedeira, poden acadar os 240 euros mensuais. Inclúense no Programa de Axuda ao Alugamento de Vivendas do Plan Estatal de Fomento do Alugamento e a data límite para tramitalas conclúe o 19 de febreiro. As persoas interesadas poden dirixirse á Concellería de Servizos Sociais (ubicada no Auditorio), onde se lles informará dos requisitos, documentación e detalles. O horario de atención é de luns a venres de 10 a 13 horas.

Serán beneficiarios aquelas persoas titulares ou en condicións de subscribir un contrato de arrendamento de vivenda. Así mesmo, os ingresos das persoas que compoñen a unidade de convivencia que teñan, ou vaian ter, o seu domicilio habitual e permanente na vivenda arrendada, consten ou non como titulares do contrato de arrendamento, sexan en conxunto inferiores ao límite de ingresos establecido nas correspondentes convocatorias de axudas e nas bases reguladoras da citada subvención. Doutra banda, a renda do contrato de arrendamento non poderá superar a cantidade prevista nas correspondentes convocatorias de axudas, que en ningún caso excederá os 500 euros mensuais no caso de Cedeira. Sen abandoar o municipio, e no suposto de que a unidade de convivencia necesite unha vivenda de maiores dimensións, por ter a condición de familia numerosa, ou unha vivenda adaptada, por ter un membro con mobilidade reducida, a renda máxima da vivenda poderá acadar os 600 euros mensuais.

O importe das axudas poderá chegar ao 40% da renda anual que se deba satisfacer polo alugamento da vivenda, cun límite máximo de 2.400 euros anuais. Aboaranse pagamentos mensuais polo importe proporcional ao montante anual que corresponda e as subvencións concederánse por un prazo de 12 meses prorrogables. Por último, sinálase que o contrato de arrendamento ten que ter mención expresa da súa referencia catastral, formalizado, en calidade de persoa arrendataria, nos termos da Lei 29/1994, do 24 de novembro, de arrendamentos urbanos.

6 de febreiro de 2015 | 11:48 • Sen comentarios

Comentarios pechados.