O Concello de Cedeira constrúe no barrio de Crónicas novas beirarrúas
O alcalde de Cedeira, Luis Rubido, informou esta mañá de que a Concellería de Obras está na actualidade executando a construcción de novas beirarrúas no barrio de Crónicas, na zona vella do municipio. Os traballos corren por conta de operarios municipais e deron comezo a principios desta mesma semana coa demolición das beirarrúas máis deterioradas.
Nesta liña, o concelleiro de Obras, Alfredo Vilela, explicou que se actuará nun treito de 150 metros de beirarrúa, coa demolición daquelas que estén en peor estado e a reparación dos tramos que só precisen un amaño puntual. Así mesmo, colocaránse novos sumidoiros e, onde se faga necesario, procederáse ao rebaixe dos bordillos para mellorar as condicións de accesibilidade. A actuación completaráse coa colocación de novo mobiliario urbano como bancos ou papeleiras.
Así mesmo, o alcalde avanzou tamén a intención do goberno municipal de mellorar a iluminación no barrio coa sustitución de lámpadas por outras de baixo consumo. Un proxecto que prevé executar con cargo aos fondos do Plan de Compensación Ambiental.