publicidade hoxe

O Alcalde da Cañiza entrega os diplomas do curso de monitores de actividades de tempo libre

PUBLICADO EN: Noticias de GaliciaA Cañiza
A-
A+
Entrega de diplomas

Entrega de diplomas

Os veciños da Cañiza que participaron neste curso impartido pola ETL Fervenza xa teñen a titulación oficial expedida pola Xunta de Galicia que lles permitirá desenvolver oficialmente actividades con mozos (ata 30-35 anos) dentro do marco de Ocio e Tempo Libre e que lles abre unha nova vía de acceso ao mercado laboral e tamén oposicións segundo manifestou o Alcalde, Miguel Domínguez.

Os participantes do curso, a maioría da Cañiza, cumpriron cunha parte teórica de 200 horas desenvolvidas nas instalacións da Aula de novas Tecnoloxías CEMIT da Cañiza e unha parte práctica de 150 horas que compartiron con nenos nos obradoiros de Nadal e en actividades extra escolares nos centros educativos da Cañiza.

Esta titulación é obrigatoria por normativa para o desenvolvemento de actividades con mozos pero ademais presenta unha gran cantidade de saídas profesionais ademais de ser baremable para a consecución de postos de traballo e oposicións. Así púxoo de manifesto o Alcalde na entrega de diplomas quen afirmou ademais “que dende o Concello se seguirán traballando para ofertar aos nosos mozos todas as opcións posibles de formación complementaria, en consonancia coa aposta que dende o Concello se está a facer pola excelencia e calidade educativa”.

10 de febreiro de 2015 | 18:34 • Sen comentarios

Comentarios pechados.