A Garda Civil detivo a tres veciños de Carballo por un delito continuado de furto en Cuntis
A Garda Civil detivo a un veciño de Carballo (A Coruña) JM.B.T., de 40 anos de idade e a dúas veciñas máis da devandita localidade, MC.A.B., de 32 anos e L.V.G., de 23, como supostos autores dun delito continuado de furto de carteiras na “FESTA DO LACÓN” celebrada en Cuntis.
No marco do operativo que a Garda Civil tiña montado con motivo da celebración da devandita festa e que estaba composto por compoñentes do Posto de Cuntis e da USECIC (Unidade de Segurdiad Ciudadana da Garda Civil) con base en Vigo e a tal fin destacada na localidade cuntiense, procedeuse á detención dos suposto autores do furto de cinco carteiras e de tres pares de pendentes no interior dun bolso.
Con estas detencións logrouse recuperar a totalidade do diñeiro (212 euros) e os pendentes subtraídos.
Os detidos, que contan con antecedentes policiais, foron entregados, xunto coas dilixencias instruídas, no Xulgado de Instrución número DOUS de Caldas de Reis, quedando en liberdade con cargos.