Os roubos dos últimos días rexistrados en Teo provocan un incremento dos controis policiais

Os roubos en vivendas de Teo nos últimos días provocan un incremento dos controis das forzas de seguridade. Onte mesmo en zonas de Calo e Cacheiras despregábase un operativo conxunto da Policía Local e da Garda Civil. Dende o Concello quérese mandar “unha mensaxe de tranquilidade pero tamén unha petición para que se extremen as precaucións de seguridade” destaca o responsable da Policía teense.

O alcalde de Teo, Martiño Noriega, mantiña onte reunións e contactos con responsables da policía local e da garda civil do Milladoiro de cara a recabar datos da situación, da propia investigación e das recomendacións das forzas da orde.

Pídese que calquera persoa que vexa algo sospeitoso alerte á Policía Local no 606 984 838 ou á Garda Civil chamando ao 062. Segundo os axentes incrementar a alerta e dar conta de aspectos que se saían do habitual pode axudar na investigación destes incidentes.