publicidade hoxe

ACES premia a fidelidade dos clientes repartindo 18 vales de compra

PUBLICADO EN: Noticias de GaliciaSarria
A-
A+

O pasado día de Reis finalizou a campaña de nadal, levada a cabo polos comerciantes e empresarios da ACES durante pouco máis dun mes. Ao longo deste mes os distintos establecementos asociados repartiron un total de 30.000 boletos para o sorteo de MIL EUROS, distribuídos en varios vales de compra. Así, os clientes do Centro Comercial Urbano de Sarria- ACES verán premiada a súa fidelidade o comercio da vila.

O sorteo dos mil euros, repartidos en 18 vales de compra, realizarase mañá venres día 9 ás 16:00 horas na sede da nosa Asociación, e será aberto para todo aquel que desexe asistir e participar. En primeiro lugar sortearanse 2 vales de cen euros e posteriormente os 16 vales de cincuenta euros.

Este ano contamos, durante o mes de decembro, con varios talleres na rúa para os máis pequenos da casa, os cales puideron gozar desta actividade que lles permitiu elaborar unha manualidade do Nadal distinta cada día, de forma rápida e que se puideron levar para casa. Outra actividade foi a recollida do Carteiro Real das cartas dos nenos dirixidas aos Reis Magos. Este carteiro visitou doce establecementos asociados durante o día cinco de xaneiro, cun horario programado para cada tenda participante (inicio ás 11:00 horas na Panadaría Palleres e fin ás 18:40 en Colorin Colorado).

A campaña “Atopa o duende o Nadal en Sarria” tivo unha grande acollida entre os nosos asociados e o público de Sarria, é unha campaña consolidada entre os comerciantes e os veciños da vila tras varios anos en vigor.

8 de xaneiro de 2015 | 17:32 • Sen comentarios

Comentarios pechados.