A Classical Concert Chamber Orchestra dos Estados Unidos de Ashot Tigranyan actuará na Coruña

Classical Concert Chamber Orquestra

A lenda viva do violín, Ashot Tigranyan, e a Classical Concert Chamber Orchestra dos Estados Unidos chegan a España para celebrar unha xira de 10 concertos polas principais cidades do país. Con obras de Vivaldi, Mozart, Falla e Sarasate, é unha oportunidade única para gozar dos clásicos nos mellores escenarios de España.

A primeira parada desta xira, despois da súa inauguración en Madrid, é Galicia. A orquestra celebrará un concerto moi especial no Teatro Colón da Coruña ás 20.30 horas da tarde. A Classical Concert Chamber Orchestra é un conxunto versátil de 35 músicos que realizou xiras por todo o mundo. Esta é a cuarta vez que visitan España despois do éxito dos seus concertos anteriores nos principais auditorios do país.

Ashot Tigranyan é un recoñecido intérprete e un dos últimos violinistas que quedan da escola do Conservatorio de Moscú. Alumno dalgúns dos mellores violinistas rusos, como Leonid Kogan, fundou esta orquestra en 2006, da que é o solista e o director musical. Nos concertos que propoñen no seu Tour 2015 interpretarán obras para violín e orquestra de Antonio Vivaldi, Wolfang A. Mozart, Manuel de Falla e Pablo Sarasate. Tamén contan coa participación especial da soprano Virginia Tola nos concertos de Madrid, Barcelona e Zaragoza.

A Classical Concert Chamber Orchestra inicia a súa xira en Madrid cun concerto o 10 de febreiro no Auditorio Nacional de Música. Despois actuará o 13 de febreiro no Teatro Colón da Coruña, o 15 de febreiro no Auditorio Miguel Delibes de Valladolid, o 17 e o 18 de febreiro no Palau de la Música de Barcelona, o 22 de febreiro no Kursaal de San Sebastián, o 24 no Teatro Gayarre de Pamplona, o 25 no Teatro Euskalduna de Bilbao e o 26 e o 27 de febreiro no Auditorio de Zaragoza. Ademais, dentro deste tour actuarán o 20 de febreiro na Ópera Berlioz de Montepellier, como aperitivo da xira francesa que se celebrará no mes de abril.