publicidade hoxe
Publicidade
omeulibro1

Xavier Vence ve a xestión corrupta do baltarismo na fichaxe dunha exalcaldesa do BNG

PUBLICADO EN: Noticias de GaliciaA BolaLocal PortadaOurense
A-
A+
Europa Press

O portavoz nacional do BNG, Xavier Vence, observou que, detrás da “fichaxe” da que era militante da súa formación e alcaldesa da Bola, Teresa Barge, está a “xestión corrupta” do “baltarismo” na provincia de Ourense, e advertiu de que o presidente da Xunta e do PP galego, Alberto Núñez Feijóo, “non pode mirar para outro lado”.

En rolda de prensa, e a preguntas dos xornalistas, o líder do Bloque considerou que a presentación da alcaldesa da Bola como futura candidata do PP nese concello “ratifica” o que el xa dixera hai unhas semanas cando Barge se deu de baixa do BNG. “Que o baltarismo é un réxime en si mesmo”, viu corroborado.

Así, o portavoz nacional do BNG considerou que existe unha “xestión corrupta” e “formas” que “revelan os modos corruptos” da provincia de Ourense.

Para o líder do Bloque, Feijóo “non pode mirar para outro lado, sobre todo, despois do que está a saír”, polas “declaracións do exxerente do PP de Ourense, que pon de manifesto unha forma absolutamente corrupta de gobernar na provincia a través do tráfico das empresas amigas e da compra de vontades”.

ALCALDESA E CINCO EDÍS DANSE DE BAIXA

Concretamente, a mediados de novembro a alcaldesa e cinco dos seis edís do equipo de goberno da Bola pediron a baixa do BNG, asegurando que se darían un “respiro” como independentes.

Barge, presentouse ás eleccións municipais de 2007 e 2011 polo BNG, recoñeceu que a súa relación coa Deputación de Ourense, que preside Manuel Baltar -fillo do exbarón popular José Luís Baltar- era fluída.

1 de decembro de 2014 | 13:29 • Sen comentarios

Comentarios pechados.