Seleccionados os 10 xardíns que formarán parte do VI Festival Internacional de Xardíns de Allariz
Esta mañá foron seleccionadas os 10 xardíns que formarán parte da sexta edición do Festival Internacional de Xardíns de Allariz adicado á Música.
O xurado, presidido polo prestixioso paisaxista portugués, Francisco Caldeira Cabral, e composto por Francisco García, Alcalde de Allariz, Bernardo Varela, Concelleiro de Medio Ambiente, Tino Feijóo, aparellador municipal e os paisaxitas Elsa Severino e José Crespí, tamén membro da Asociación Española de Paisaxistas, elixiu 10 propostas das 43 presentadas mais dúas suplentes. O recinto formado por 12 xardíns será ocupado ademais polo gañador da pasada edición “IN-HOUSE” do coreano Takyung Kim e a proposta didáctica que elaborará o Colexio Padre Feijóo de Allariz “.
As propostas seleccionadas seguiron criterios obxectivos, segundo explicaba o presidente do xurado Caldeira Cabral “harmonía entre criterios estéticos e técnicos, creatividade e innovación e tamén a forma práctica de executar os xardíns”. Foi Cabral o encargado de desvelar os xardíns que formarán parte do VI FIXA. (ver en arquivo adxunto)
O Alcalde pola súa parte agradecía o traballo e esforzo que realizaron todas as persoas que presentaron a súa proposta destacando a calidade dos proxectos e a participación de paisaxistas internacionais. Esto é “un motivo de satisfacción que o calificativo de internacional é unha realidade e non so un desexo.”
Ata mediados de xaneiro os autores seleccionados deberán entregar o proxecto técnico, mentres a brigada municipal encargarase da desmontaxe dos xardíns actuais para que no vindeiro ano estea todo listo para comezar coa execución dos novos proxectos. O Alcalde adiantaba que a data de inauguración do VI F.I.X.A. “será, se non hai impedimentos e dificultades, o 17 de maio.”
TEMA VII EDICIÓN
O xurado decidiu que a sétima edición do Festival de Xardíns de Allariz levará por título “Os xardíns do futuro”. Ata o 15 de novembro de 2015 estará aberto o prazo para presentar as novas candidaturas para o ano 2016.