publicidade hoxe
Publicidade
omeulibro1

O rexedor de Antas asegura que a familia do taxista detido en Venezuela cree na súa inocencia

Europa Press

O alcalde de Antas de Ulla, Javier Varela, asegurou que a familia do taxista detido polo crime da súa esposa en Venezuela, acusado de ser a autora intelectual do asasinato, “cre na inocencia do seu parente”.

Jesús González permanece encarcerado en Venezuela, acusado de ser o suposto instigador do crime da súa muller, Liz Crisaldo, para o que contrataría uns sicarios no país latinoamericano.

“A diferenza horaria está a complicar o acceso á información e o que estamos a esperar é que se decidan as medidas preventivas que se teñan que facer, a ver se se lle mete en prisión ou se se lle solta,” constataba.

O alcalde de Antas asegura da familia, cun irmán que reside nunha parroquia desta localidade, “cre na inocencia do parente”. “Lóxico”, dixo.

“ANIMALADA”

Seguidamente desexa que “iso sexa así, porque senón realmente é unha animalada o que pasou”. “Esperamos que el non tivese nada que ver”, agarda.

Do detido, sinalou que “leva tempo sen vivir en Antas”. “Viviu de pequeno, naceu aquí, logo criouse en Taboada e despois foise para Madrid. A relación é pouca”, indicou.

Javier Varela confesa que este caso, pola súa repercusión mediática, xera “desgusto” entre os seus veciños “porque o feito en si é unha animalada” insistiu.

22 de decembro de 2014 | 17:43 • Sen comentarios

Comentarios pechados.